Tingmenn skuldseta Mentamálaráðið fyri lógarbrot

06.10.2017 - 07:28
AktueltPolitikkur
Tingmenn skuldseta Mentamálaráðið fyri lógarbrot
Landsgrannskoðanin og Landsstýrismálanevndin eiga at kanna málið, sigur andstøðan í Fíggjarnevndini um pengar til ES
Mentamálaráðið rindaði evrur, uttan at hava fingið loyvi frá løgtinginum, sigur andstøðutingmenn.
Mynd: Savnsmynd  
 
 

Hetta er eitt mál fyri bæði Landsgrannskoðanina og Landsstýrismálanevndina, sigur minnilutin í Fíggjarnevndini, Bill Justinussen, Bárður Nielsen og Jacob Vestergaard.

Teir vísa til pengarnar, sum Mentamálaráðið sambært teimum, hevur goldið ES í heimildarloysi.

Talan er um 1,1 millión krónur.

Tingmenninir siga, at í uppskotinum um eykajáttan, sum kom í mai, bað Mentamálaráðið um 1,1 mio. kr. til ES-granskingarskránna.

Orsøkin er stóri vøksturin í føroyska bruttotjóðarúrtøkuni. 

Og gjaldið til ES-granskingarskránna er í lutfalli við bruttotjóðarúrtøkuna. Tað er tí vaksið, síðani fíggjarlógin fyri 2017 varð samtykt. 

Men Mentamálaráðið fekk ikki hesar pengarnar í vár, tí uppskotið um eykajáttan datt burtur.

Tað kom so aftur í tingið í august.

Ikki við aftur

Men nú bað Mentamálaráðið ikki um 1,1 mió. kr.

Pengarnir eru goldnir, fekk Fíggjarnevndin at vita.

Við øðrum orðum er peningurin goldin í heimildarloysi. 

At gjalda pening í heimildarloysi er ólógligt, sambært stýrisskipanarlógini, siga teir tríggir andstøðumenninir í Fíggjarnevndini.

Teir halda, at grannskoðanin eigur at viðgera hetta málið.

Eisini eigur Landsstýrismálanevndin at umhugsa at taka málið upp, nú landsstýriskvinnan ólógliga hevur útgoldið 1,1 mió. kr., siga Bill Justinussen, Bárður Nielsen og Jacob Vestergaard, løgtingsmenn.
 

Lesið meira her 

Nýggjastu sendingar í ÚV
Leygardag 16. desember
ALSO: Bjóðið vinmanninum við!
75612
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220