Kambur sleppur ikki at landa

bannari
26.02.2018 - 13:46
AktueltPolitikkur
Kambur sleppur ikki at landa
Ásetingin í nýggju fiskivinnulógini um at allur fiskur frá føroyskum skipum skal um føroyskan kaikant, fær nú ítøkiligar avleiðingar
Mynd: Savnsmynd  
 
 

Kambur roynir í løtuni undir Íslandi. Skipið kom í morgun inn á Hafnafjørðin, tí tekniskir trupulleikar vóru við eini kumpass umborð.

Kambur hevur okkurt um 50 tons í lastini, og skiparin ætlaði at nýta hetta høvið til at landa fiskin har og senda hann heim við bingju til Føroya.

Ein leistur, sum Kambur hevur brúkt síðstu árini, tí íslandskvotan hjá skipinum er nakað størri enn til ein túr, men ov lítil til tveir íslandstúrar.

Fiskurin skal landast í Føroyum

Reiðaríið hjá línuskipinum Kambi hevur fyrrapartin verið í samband við føroyskar myndugleikar fyri at fáa undantaksloyvi at landa tey 50 tonsini í Íslandi og flyta fiskin heim til Føroya í bingjum.

Men svarið er noktandi - tað er í stríð við nýggju fiskivinnulógina, sum sigur, at fiskurin skal landast í Føroyum.

- Manglandi forstálsli fyri fiskiskapi

Tá línuskipini fiskaðu á Flemish Kap fingu tey loyvi at landa fiskin í Bay Roberts og flyta fiskin heim til Føroya í bingjum. Men tað ber ikki til, tá línuskipini fiska undir Íslandi.

Mortan Mortensen, skipari á Kambi ásannar, at sjálvandi eiga reiðaríið og hann sum skipari at seta seg inn í nýggju fiskivinnulógina og kenna tær treytir, hann sambært nýggju fiskivinnulógini skal virka undir.

- Men treytirnar eru fullkomuliga við síðuna av og vísa manglandi forstáilsi fyri fiskiskapi, heldur hann.

Nýggjastu sendingar í ÚV
Sunnudag 3. juni
Tilvera - Tað ónda 2 (2)
9247
Sunnudag 27. mai
Tilvera - Tað ónda 1 (2)
9337
Hósdag 24. mai
Á bátastevnu í Vestmanna
81189
Hósdag 24. mai
Áðrenn Elvis - 240518
81181
Hósdag 24. mai
Sorg og sansir í listini
81177
Nýggjastu sendingar í SV
Mánadag 21. mai
Hamferð - útgávukonsert
81054
Mánadag 21. mai
Andaktin
81074
Mánadag 21. mai
FM í estetiskum fimleiki
81092
Mánadag 21. mai
Blank 3
80853