Kristina vil hava lønarhækkingar

12.03.2018 - 09:14
AktueltPolitikkur
Kristina vil hava lønarhækkingar
Kristina Háfoss biður løgtingið um eykajáttan til lønarhækkingarnar í sáttmálunum, sum landið hevur gjørt við fakfeløg á almenna arbeiðsmarknaðinum
 
 

Lønarhækkingin í ár samanborið við fíggjarlógina í fjør, har lagt varð upp fyri við lønarhækkingum í tríggjar ársfjórðingar, kostar slakar 70 milliónir krónur. 

Men lønarhækkingin samanborið við alt fíggjarárið í fjør, tá lønarhækking í fjórða ársfjórðingi eisini er íroknað, er góðar 56 milliónir kr.

Yvirskipaði lønarkarmurin hjá landinum næstu tvey árini er 2,3 prosent fyrra árið og 2,5 prosent seinna árið.

Higartil hevur Fíggjarmálaráðið gjørt nýggjan lønarsáttmála við Starvsmannafelagið, Sjúkrarøktarfrøðingafelagið, Pedagogfelagið og Lærarafelagið. 

Nýggju sáttmálarnir eru galdandi frá 1. oktober í fjør.

Sáttmálin við Sjúkrarøktarfrøðingafelagið kostaði meira enn tað, sum er sett av til lønarvøkstur hjá landinum. Tí verður skotið upp at hækka lønarjáttanina til heilsuverkið nakað meira enn á øðrum rakstrarstøðum.

Lønarkarmurin skal haldast, og tað merkir, at størri útreiðslur á einum rakstrarstaði bera í sær, at onnur rakstrarstøð fáa minni, sigur Kristina Háfoss í viðmerkingunum til uppskotið.

Nýggjastu sendingar í ÚV
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Mánadag 25. mars
Hondboltur hálvfinala: H71 - VÍF
92677
Sunnudag 24. mars
Andaktin
92675