Fernando Hierro nýggjur venjari hjá Spania

13.06.2018 - 15:52
ÍtrótturFótbóltur
Fernando Hierro nýggjur venjari hjá Spania
Spanski landsliðsvenjarin, Julen Lopetegui, fekk fótin fyrr í dag. Nú er kunngjørt, at Fernando Hierro tekur yvir sum venjari hjá spanska liðnum
Gamla verjukempan á spanska landsliðnum og Real Madrid liðnum - tann nú 50 ára gamli Fernando Hierro - tekur í dag yvir sum venjari hjá spanska landsliðnum.
Mynd: © Scanpix  
 
 

Á tíðindafundi fyrr í dag boðaði forsetin í spanska fótbóltssambandinum frá avgerðini.

Uppsøgnin verður mett sum ein beinleiðis avleiðing av, at Julen Lopetegui í gjár varð settur sum høvuðsvenjari í spanska stórfelagnum Real Madrid, har hann tekur við eftir Zinedine Zidane. 

Hesi tíðindi fullu ikki í góða jørð í spanska fótbóltssambandinum, og serliga Luis Rubiales, forseti, gjørdist í øðini.

Fyrst bórust tíðindini um, at partarnir vóru samdir um at fara hvør til sítt eftir HM-endaspælið, men í nátt hevur spanska fótbóltssambandið broytt avgerð og koyra tí venjaran beinanvegin. 

Julen Lopetegui tók við sum spanskur landsliðsvenjari eftir Vicente del Bosque í 2016. Síðani hann tók við, hevur Spania ikki tapt ein tann einasta dyst.

Fáar tímar eftir uppsøgnina hjá Lopetegui bórust tíðindini um, at nýggjur venjari er settur.

Gamla verjukempan á spanska landsliðnum og Real Madrid liðnum - tann nú 50 ára gamli Fernando Hierro - tekur í dag yvir sum venjari hjá spanska landsliðnum.

Hann hevur verið ítróttarstjóri hjá spanska landsliðnum og hevur annars royndir sum venjari í felagnum Oviedo og hjálparvenjari hjá Real Madrid. 

Spania spælir sín fyrsta dyst móti Portugal fríggjakvøldið. Hini liðini í spanska bólkinum eru Iran og Marokko.

Nýggjastu sendingar í ÚV
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Mánadag 18. februar
Síðsta skríggj 15.februar 2019
91329
Sunnudag 17. februar
Meg minnist: Óli Jacobsen (1:5)
91258
Nýggjastu sendingar í SV
Mánadag 18. februar
25 minuttir: Oddfríður Marni Rasmussen
90944
Sunnudag 17. februar
Andaktin
91320
Sunnudag 17. februar
Gudstænasta í Hoyvíkar kirkju
91319
Leygardag 16. februar
Mitt í náttúruni (8:9)
90208
Fríggjadag 15. februar
Lyst 27
91270