Fara í Fasta gerðarrættin við rættindakeypunum

19.06.2018 - 07:12
AktueltVinna
Fara í Fasta gerðarrættin við rættindakeypunum
Manningarfeløgini hava avgjørt at leggja málið um kvotukeyp sum loyvdan felagsfrádrátt av óbýttum í Fasta gerðarrættin 
Manningarfeløgini leggja rættindakeypini fyri Fasta gerðarrættin.
 
 

Fasti gerðarrættur skal nú gera av, um reiðarar kunnu draga kvotukeyp frá, áðrenn manningin verður avroknað.

Tey trý manningarfeløgini, Skipara- og navigatørfelagið, Maskinmeistarafelagið og Fiskimannnafelagið, hava avgjørt at leggja málið um kvotukeyp sum loyvdan felagsfrádrátt av óbýttum í Fasta gerðarrættin. 

Reiðarar draga frá tað, sum teir keypa rættindi fyri á uppboðssølunum hjá landinum, áðrenn manningin fær sítt.

Hetta er ikki rætt, siga manningarfeløgini, sum tó ikki kunnu broyta sáttmálarnar við Reiðarafelagið fyrr enn 1.apríl næsta ár. 

Reiðarafelagið vísir á ein gerðarrættarúrskurð frá 2013, har tað varð staðfest, at reiðarar høvdu rætt til at draga útreiðslur frá uppboðssøluni í 2011 frá, áðrenn manningin varð avroknað.

Einki stendur í lógini um sjófeingi um hetta, tí ætlanin hjá Fiskimálaráðnum var ikki, at manningin skal missa, tí reiðarar keypa fiskirættindi. 

Manningarnar hava onga ávirkan á rættindakeypini hjá reiðarunum og skulu tí heldur ikki gjalda fyri tey, sigur samgongan.

Nýggjastu sendingar í ÚV
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Mánadag 25. mars
3-2
92725
Mánadag 25. mars
Hondboltur hálvfinala: H71 - VÍF
92677
Sunnudag 24. mars
Andaktin
92675