Kenna ikki orsøkina til eldin

25.06.2018 - 10:24
Aktuelt112
Kenna ikki orsøkina til eldin
Tað var um hálvgum tveytíðina í nátt, at sýslumaðurin í Klaksvík fekk boð um eldin frá politistøðini í Havn, tí fólk søgdu seg síggja stóran eld.
Mynd: © JN.fo  
 

Nakrir ungir mans vóru teir seinastu, sum vóru í húsunum í Bjargamansdali á Borðoynni, sum brann í grund í nátt.

Teir fóru út fríggjadagin og fóru aftur til hús seinnapartin leygardagin.

Tað var um hálvgum tveytíðina í nátt, at sýslumaðurin í Klaksvík, Karl Johansen, fekk boð um eldin frá politistøðini í Havn, tí fólk søgdu seg síggja stóran eld.

Tyrlan varð boðsend, og á veg til Klaksvíkar fleyg hon yvir økið, og tað var greitt at alt var brent.

Karl Johansen fór saman við øðrum at hyggja at støðuni í Bjargamansdali, og tá vóru húsini longu brend í grund.

Húsið var ikki gamalt, tað varð bygt í 2014 og varð brúkt, tá menn arbeiddu í haganum. 

Hví eldur kom í húsini er ikki greitt, og tað løgna er, at eldurin kyknaði hálvtannað samdøgur eftir, at ungu menninir fóru úr húsunum.

Har var ein gasskomfýrur og ein brenniovnur, og alt varð sløkt áðrenn klokkan hálvgum fýra seinnapartin leygardagin.

Bara øska er eftir av húsunum, og tí er spurningurin, um tað verður bygt uppaftur, sigur Karl Johansen, sýslumaður, sum var við til at byggja húsini í Bjargamansdali í 2014.

- Hatta var eitt alvorliga stórt arbeiði, sum vit hava brúkt nógva orku og nógva tíð upp á, sigur Karl Johansen. 

 
Nýggjastu sendingar í ÚV
Mánadag 18. november
Tóta og Rasmus eru gestir í Dansivali
101195
Mánadag 18. november
Norðurljóð 18.november 2019
100908
Mánadag 18. november
Morgunlesturin mánamorgunin 18.november 2019
101105
Mánadag 18. november
TEMPAPLÁTAN: Mike & The Mechanics, 1985
101165
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878