Kvotan ov lítil og uppboðssøla eingin trygd

bannari
26.07.2018 - 08:05
AktueltVinna
Kvotan ov lítil og uppboðssøla eingin trygd
Nevndin í JFK troli avgjørdi at selja Sjúrðarberg, tí kvotan í Barentshavinum er ov lítil til tvey skip, og uppboðssølan er óviss
Sjúrðarberg er seldur til Russlands, og manningin er uppsøgd.
 
 

Tað er rætt, at kvotan í Barentshavinum fyrr hevur verið minni enn hon er nú, og at JFK tá hevur havt tvey skip at fiska kvotuna.

Men munurin er, at felagið tá visti, at um kvotan aftur bleiv størri, fekk felagið sín part. 

Hetta er ikki galdandi eftir, at fiskivinnunýskipanin er samtykt. Tað sigur nevndin í JFK, nú Sjúrðarberg er seldur russum.

Leggjast kann afturat, at fyrr vórðu aðrir møguleikar at fiska til kvotan aftur bleiv størri, millum annað á Flemish Cap ella í Irmingarhavinum. 

Kvotan hjá JFK í Barentshavinum er við vissu ikki størri enn 9.300 tons. 

Kvota til eitt skip

Og 9.300 tons klárar Gadus einsamallur at fiska.

Tí avgjørdi nevndin í JFK at selja Sjúrðarberg, sigur Niels Winther Poulsen, nevndarformaður. 

Hann sigur, at til ber at keypa kvotu á uppboðssølu, og tað hevur felagið gjørt í ár.

Hildið verður tó ikki, at tað er ein nøktandi skipan at keypa kvotu á uppboðssølu, í hvussu so er ikki at eiga skip og hava manning tøka til at fiska kvotu, sum møguliga eydnast at keypa. 

Her skal eisini havast í huga, sigur nevndarformaðurin í JFK, at uppboðssøluleisturin sum hann higartil er skipaður í stóran mun eggjar til, at aðrir enn verandi aktørar skulu bjóða og keypa kvotu, sum verður boðin út. 
 

Nýggjastu sendingar í ÚV
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Mánadag 18. februar
Síðsta skríggj 15.februar 2019
91329
Sunnudag 17. februar
Meg minnist: Óli Jacobsen (1:5)
91258
Nýggjastu sendingar í SV
Mánadag 18. februar
25 minuttir: Oddfríður Marni Rasmussen
90944
Sunnudag 17. februar
Andaktin
91320
Sunnudag 17. februar
Gudstænasta í Hoyvíkar kirkju
91319
Leygardag 16. februar
Mitt í náttúruni (8:9)
90208
Fríggjadag 15. februar
Lyst 27
91270