3.500 fólk til móttøkuna

bannari
10.08.2018 - 14:02
AktueltSamfelag
3.500 fólk til móttøkuna
Landsverk sigur, at 3.500 fólk vóru til hátiðarløtuna í gjár, tó ikki øll í senn. Fólk komu og fóru, men 1.900 vóru inni, tá tey flestu vóru inni.
 
 

Stórt hátíðarhald var á Glasi í samband við, at Landsverk formliga handaði Mentamálaráðnum nýggja, stásiliga miðnámsskúlan við Marknagil.

Landsverk sigur, at 3.500 fólk vóru til hátiðarløtuna í gjár, tó ikki øll í senn. Fólk komu og fóru, men 1.900 vóru inni, tá tey flestu vóru inni.

Nýggi miðnámsskúlin í Marknagili, Glasir, kostar 32.600 kr. fyri fermeturin, tá maskinur og innbúgv eru tald við. Tað upplýsti Ewald Kjølbro, stjóri í Landsverki, í gjár. Kostnaðurin higartil fyri skúlan er 636,5 milliónir krónur.

Nógv fólk var í Glasi í gjár, tá Landsverk handaði Mentamálaráðnum bygningin, sum frá hósdegnum í næstu viku skal hýsa studentaskúlanum og HF-skeiðinum, sum vóru í Hoydølum, Tekniska skúla og Handilsskúlanum, sum frammanundan vóru í Vesturbýnum.

Miðnámsskúlarnir í Havnini eru allir í Glasi nú.

11 ár eru liðin, síðani danska fyritøkan BIG bleiv biðin um at tekna miðjuni, sum bant teir tríggjar skúlarnar í Glasi saman.

Seinni átók BIG sær at tekna allan bygningin, sum nú er 19.500 fermetrar. 

Seks ár eru síðani, tilboðini vórðu latin upp, og 15. apríl í 2013 setti Bjørn Kalsø, sum tá var landsstýrismaður í mentamálum, hakan í í Marknagili. 

Ewald Kjølbro segði í gjár, at 150 fólk hava arbeitt á byggiplássinum, 640 ársverk. Landsverk hevur havt sáttmálar við 31 arbeiðstakarar, 11 innbúgvsveitarar og sjey reingerðarfyritøkur.

Mentamálaráðið gav Glasi eina kantatu, sum systrarnar Lív Maria Róadóttir Jæger og Unn Paturson hava gjørt. Kórið Tarira sang kantatuna í Glasi í gjár.

Fyrsta skúladagur í Glasi verður hósdagin í næstu viku. Tá fæst at vita, hvussu Glasir rigga sum skúli. Har verða 1500 næmingar og 200 lærarar.

Nýggjastu sendingar í ÚV
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Mánadag 18. februar
Síðsta skríggj 15.februar 2019
91329
Sunnudag 17. februar
Meg minnist: Óli Jacobsen (1:5)
91258
Nýggjastu sendingar í SV
Mánadag 18. februar
25 minuttir: Oddfríður Marni Rasmussen
90944
Sunnudag 17. februar
Andakt við Hjørleifi Vang
91320
Sunnudag 17. februar
Gudstænasta í Hoyvíkar kirkju
91319
Leygardag 16. februar
Mitt í náttúruni (8:9)
90208
Fríggjadag 15. februar
Lyst 27
91270