Føroyingar skulu hava danskt CPR-nummar

11.09.2018 - 17:38
AktueltPolitikkur
Føroyingar skulu hava danskt CPR-nummar
Bárður á Steig Nielsen í Sambandsflokkinum hevur spurt Rikisumboðið, um nakað forðar fyri, at føroyingar fáa donsk CPR-nummur, tá tey verða fødd.
 

Er nøkur forðing fyri, at føroyingar frá føðing fáa eitt danskt CPR-nummar aftur at føroyska P-talinum? Bárður á Steig Nielsen í Sambandsflokkinum hevur spurt Rikisumboðið um hetta. 

Hann sigur, at donsku sjúkrahússkipanirnar, sum vit í Føroyum eru knýtt at, brúka CPR-nummur.  Hetta hevur við sær trupulleikar, tá føroyskir sjúklingar fara á donsk sjúkrahús, sigur Bárður á Steig Nielsen.

Hann hevur eisini spurt Ríkisumboðið um dupultan ríkisborgaraskap. Hann spyr, um tað er rætt, at fólk í einum ríki við felags statsborgaraskapi kann hava ymisk statsborgararættindi í teimum ymsu pørtunum í ríkinum.

Bárður á Steig Nielsen spyr eisini, um føroyskir myndugleikar hava rætt til at geva og taka statsborgaraskapin frá fólki, sum búgva í Føroyum.

Hann spyr, um føroyskir myndugleikar kunnu, um so skuldi verið, at Føroyar fara úr ríkisfelags­skapinum, taka danska statsborgaraskapin frá fólki, sum búgva í Føroyum, í móti teirra vilja.

Ríkisumboðskvinnan hevur longu ein fyrispurning frá einum øðrum tingmanni hjá Sambandsflokkinum. Edmund Joensen spurdi 21. august, hvat hendi á Eiði og á Eiðiskolli í øðrum heimsbardaga.

 
Nýggjastu sendingar í ÚV
Hósdag 18. juli
Lívsleiðsskiftið (3:8)
96404
Hósdag 18. juli
Minibarrin 18. juli 2019
96869
Hósdag 18. juli
Summartímin mikudagin 17. juli
96886
Mikudag 17. juli
Minibarrin 17. juli 2017
96866
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747