Landsstýrið roynir at semjast

bannari
26.10.2018 - 12:52
AktueltPolitikkur
Landsstýrið roynir at semjast
Landsstýrið arbeiðir í løtuni við at finna eina semju, sum allir partar kunnu liva við, eftir Framsókn legði fram uppskot um at útseta fiskidagarnar
 

Landsstýrið arbeiðir í løtuni við at finna eina semju, sum allir partar kunnu liva við, eftir at Framsókn mikudagin legði uppskot fyri tingið um at útseta part av fiskivinnunýskipanini í eitt ár.

Tað er tað einasta, sum Ruth Vang, tingkvinna úr Framsókn, vil siga í dag, eftir at Aksel V Johannesen, løgmaður, í gjár segði, at Framsókn skal taka uppskotið um at fiskidagaskipanin skal halda fram eftir 1. januar aftur, tí annars er eingin samgonga.

Ikki á einum máli um kvotuskipanina

Tað er eingin loyna, at tað eru nógvar ymiskar áskoðanir á nýggju skipanina við kvotum, sum skal koma fyri fiskidagaskipanina 1. januar í 2019 í sambandi við fiskivinnunýskipanina.

Summi vilja hava eina kvotaskipan fyri alt økið, onnur vilja halda fast í fiskidøgunum. 

Framsókn, sum kanska er serliga skeptiskt móvegis kvotum, hevur frá byrjan sett krav um at fáa eina nágreiniliga frágreiðing av fyrimunum og vansum við báðum skipanum, áðrenn kvotaskipanin tekur yvir fiskidagarnar tann 1 januar 2019.

Samgongan í tvíningum

Tann 10. oktober segði Hanna Jensen við útvarpið, at Framsókn ikki helt, at málið var nógv væl lýst, og at flokkurin helst sær, at hildið verður fram við fiskidagaskipanini eftir 1. januar.

Høgni Hoydal vildi ikki viðmerkja júst hetta málið, men segði við útvarpið 12. oktober, at frágreiðingin er partur av einum størri arbeiði, og at hon er á veg.

Fyrradagin var tolið i Framsókn eftir øllum at døma uppi.

Løgdu fram óvæntað uppskot

Tær báðar Hanna Jensen og Ruth Vang úr Framsókn løgdu uppskot fram um, at fiskidagaskipanin heldur fram eftir 1. januar 2019 - hetta er - siga tær báðar, fyri at binda um heilan fingur, í fall, at landsstýrismaðurin ikki kemur við eini frágreiðing.

Við uppskotinum forðar Framsókn fyri, at kvotaskipanin tekur yvir 1. januar, hóast landsstýrismaðurin ikki hevur latið umsitingarætlanina úr hondum.

Hvørki Høgni Hoydal, landsstýrismaður ella Aksel V Johannesen, løgmaður vilja viðmerkja málið í dag

 
Nýggjastu sendingar í ÚV
Týsdag 20. august
Summartímin týsdagin 20. august
97842
Týsdag 20. august
Minibarrin 20. august
97836
Týsdag 20. august
Í fótafari Paulusar - 12. partur
97829
Týsdag 20. august
VAR tað ella VAR tað ikki
97818
Nýggjastu sendingar í SV
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257