Sandoyartunnilin sæst aftur í fíggjarætlanini

29.11.2018 - 11:12
AktueltPengar
Sandoyartunnilin sæst aftur í fíggjarætlanini
Sands kommuna skal hava slaka millión í yvirskoti næsta ár
Sandur.
 

Sandoyartunnilin sæst nú aftur í fíggjarætlanini hjá Sands kommunu.

Sands kommuna fyrireikar seg til framtíðina við føstum sambandi um Skopunarfjørð, og tí ger kommunan í ár íløgu í útstykking, og næsta ár verður skjøtul settur á at fyrireika nýggjan barnagarð í kommununi, sigur borgarstjórin á Sandi, Brandur Sandoy, í tíðindaskrivi.

Sands kommuna samtykti í gjárkvøldið fíggjarætlanina fyri 2019.

Skattaprosentið verður tað sama í 2019 sum í ár, 21 prosent.

Barnafrádrátturin verður eisini tann sami, 8.500 kr.

20 mió. kr. til rakstur í 2019 

Raksturin í 2019 er mettur at kosta slakar 20 mió. kr.

Inntøkurnar eru mettar at verða 23 milliónir.

Íløgurnar verða góðar 2,1 millión.

Avlopið hjá Sands kommunu í 2019 verður 838.000 kr. sambært fíggjarætlanini.

Ætlanin er at gjalda niður langtíðarskuldina og brúka eina millión til hetta.

Skuldin niður

Langtíðarskuldin við ársenda 2019 verður tí 10,5 mió.kr.

Kommunan hevur í ár gjørt tilbúgvingarætlan fyri kommununa.

Arbeiðið at byggja høll til tilbúgvingina, - millum annað til sløkkiliðið, byrjar næsta ár.

Ætlanin er eisini gera íløgur á havnarlagnum. Skúrar skulu gerast, bátadráttur fyrireikast, og ábøtur gerast á ruskmóttøkuna.

Næsta ár verður komið so mikið ávegis við at leggja kloakkir í Sands kommunu, at einki spillvatn longur rennur í Sandsvatn.

 
Nýggjastu sendingar í ÚV
Sunnudag 19. mai
Guðstænasta í Vágs kirkju
94633
Leygardag 18. mai
Tá Saddam fór um mark
94010
Leygardag 18. mai
Tosa við foreldrini um tað
94625
Leygardag 18. mai
Morgunlestur leygardagur 18. mai 2019
94155
Nýggjastu sendingar í SV
Sunnudag 19. mai
Andaktin
94638
Sunnudag 19. mai
Guðstænasta úr Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615