Metstór tilmelding til Filmskvøldið

04.12.2018 - 15:48
Mentan
Metstór tilmelding til Filmskvøldið
28 filmar hava í ár meldað seg til kappingina um Geytan og Áskoðaravirðislønina, sum verða latnar á Filmskvøldinum komandi februar.
Mynd: © Norðurlandahúsið  
 

Norðurlandahúsið boðar í dag frá, at tilmeldingin til árliga Filmskvøldið er størri enn nakrantíð áður.

Tá freistin var úti á midnátt mánadagin 3. desember, vóru 28 filmar meldaðir til Filmskvøldið. Ongantíð fyrr hava so nógvir filmar luttikið. 

28 stuttfilmar fara sostatt at kappast um Geytan og Áskoðaravirðislønina, tá Filmskvøldið fer av bakkastokki tann 23. februar 2019.

Kravið til ein stuttfilm er, at hann ikki eru longri enn 30 minuttir. Ein stuttfilmur kann vera spælifilmur, listafilmur, tónleikafilmur, heimildarfilmur ella annað, tó ikki lýsingarfilmur.

Filmsnevndin sigur, at trý metingarvirðir verða brúkt í dømingini, og tey eru: søga, filmisk frásøgusnildi og handverk.

Tað er Bank Nordik, sum letur Geytavirðislønina, meðan áskoðararnir á Filmskvøldinum velja vinnaran av Áskoðaravirðislønini. 

 
Nýggjastu sendingar í ÚV
Fríggjadag 24. mai
Góðan morgun Føroyar 24. mai 2019
94838
Fríggjadag 24. mai
Morgunlestur fríggjadagur 24. mai 2019
94656
Hósdag 23. mai
Nón - 23.05.19
94813
Hósdag 23. mai
Góðan morgun Føroyar 23. mai 2019
94803
Nýggjastu sendingar í SV
Hósdag 23. mai
Andglettur: Framsókn
94822
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638