Tvær milliónir afturat til lágløntar familjur

15.12.2018 - 15:38
AktueltPolitikkur
Tvær milliónir afturat til lágløntar familjur
Familjur, sum hava minstu inntøkurnar, fáa tvær milliónir krónur afturat næsta ár enn upprunaliga ætlað. Vøksturin er næstan 40 prosent
Fleiri pengar til familjur, sum hava minst, siga Fíggjarmálaráðið og meirilutin í Fíggjarnevndini.
 

Familjur, sum hava minstu inntøkurnar, fáa tvær milliónir krónur afturat næsta ár enn upprunaliga ætlað.

Vøkturin er rættliga stórur í prosentum.

Upprunaliga játtanin er fimm milliónir og 450.000 krónur.

Men Fíggjarmálaráðið hevur biðið Fíggjarnevndina leggja tvær milliónir omaná.

Lógarbroyting

Fíggjarmálaráðið sigur, at í sambandi við lógarbroyting, sum er á veg í løgtingið, er ætlanin at betra korini hjá familjum við lægstu inntøkunum. 

Neyðugt verður tí at hækka játtanina tvær milliónir krónur. 

Meirilutin í Fíggjarnevndini, Ruth Vang, Pauli Trond Petersen, Kristin Michelsen og Helena Dam á Neystabø, mælir tinginum til at samtykkja hetta.

Í ár hava 391 familjur fingið familjuískoyti. Hetta eru fleiri enn í fjør, tá talið var 365, og tað var 319 í 2016.

Í ár hava 72 fólk, sum eru í útbúgving, hava fingið famljuískoyti í ár.

 
Nýggjastu sendingar í ÚV
Týsdag 21. januar
Breddin
103681
Týsdag 21. januar
Nón 21.01.2020
103673
Nýggjastu sendingar í SV
Mánadag 20. januar
3-2
103616
Sunnudag 19. januar
Møti úr Nerija á Skála
103557
Sunnudag 19. januar
Andakt við Jørleifi Vang
103556