Ikki stundir at fyrireika umfatandi lóg

13.02.2019 - 07:49
AktueltPolitikkur
Ikki stundir at fyrireika umfatandi lóg
Uppskotið um mismun og javnviðgerð á arbeiðsmarknaðinum skal í løgtingið í hesari tingsetuni, sigur landsstýrismaðurin í arbeiðsmarknaðarmálum
Seinasti framløgudagur i tinginum er fyrst í mars.
 

Samferðslumálaráðið hevði ikki stundir at fyrireika lógaruppskotið um mismun og javnviðgerð á arbeiðsmarknaðinum, tí uppskotið skuldi í løgtingið í hesari tingsetuni.

Tí var hoyringarfreistin so stutt, og tí var bara ein fundur í fylgibólkinum.

Tað sigur Heðin Mortensen, landsstýrismaður, í svari til Jógvan á Lakjuni, løgtingsmann, sum spurdi um uppskotið um lóg, sum skal banna mismuni og tryggja javnviðgerð á arbeiðsmarknaðinum.

Hoyringarfreistin var átta dagar.

Tað var fyri at halda tíðarfreistirnar fyri lógaruppskot, sum skulu í løgtingið í hesari tingsetuni, sigur Heðin Mortensen.

Hann sigur eisini í svarinum, at ætlanin var at hava á leið tríggjar fundir við fylgibólkin. 

Á fyrsta fundinum varð tosað um, hvussu arbeiðið skuldi gerast.

Fylgibólkurin ikki onnur fundarboð

Ætlanin var so, at fylgibólkurin skuldi koma á fund aftur, tá eitt uppkast um lógaruppskotið var gjørt. 

Men av tí, at Samferðslumálaráðið hevði nógv mál í heyst, varð uppkastið ikki gjørt, og fylgibólkurin tí heldur ikki kallaður á fund. 

Í januar var tíðin um at renna undan fyri lógaruppskot, sum skulu fyri løgtingið í hesi tingsetuni. 

Stundir vóru ikki at hava fleiri fundir við fylgibólkin. 

Í fylgibólkinum vóru seks fólk fyri arbeiðsgevarar og løntakarar, MEGD og Javnstøðunevndina. 


 

 
Nýggjastu sendingar í ÚV
Leygardag 20. juli
Frítíð og náttúra
96938
Fríggjadag 19. juli
Minibarrin 19. juli 2019
96870
Fríggjadag 19. juli
Summartímin hósdagin 18. juli
96921
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747