Ísland steingir eitt kent øki

16.03.2019 - 10:14
Aktuelt
Ísland steingir eitt kent øki
Íslendsku myndugleikarnir hava gjørt at at steingja kenda ferðafólkastaðið, Fjarðarglufur-gjónna í eitt tíðarskeið, tí so nógv fólk vitja plássið
 

Nógvu vitjanirnar hava við sær, at gøtan í Fjarðarglufur-gjónni er oyðiløgd, og tí ganga fólk við síðuna av gøtuni, og traðka allan vøkstur niður. Plássið hevur verið sera nógv vitjað, eftir at sangarin, Justin Bieber, í 2015, gjørdi eitt lag, har myndir úr økinum vórðu nýttar.

Daniel Freyr Johnson, frá íslendsku náttúrumyndugleikunum sigur, at síðani sangurin varð gjørdur, er talið av ferðafólkum sum vilja síggja økið, støðugt vaksið, og ein meting er, at minst 300.000 fólk vitjaðu økið í fjør.

Nú veturin hevur verið, er gøtan illa farin, og tí fara ferðafólkini útum girðingina sum er sett  upp, og ganga so við síðuna av gøtuni. Tað ger, at alt plantulív og annar vøkstur í økinum doyr.

Lagið hjá Justin Bieber, I´ll show you, er víst meir enn 439 milliónir ferðir, og tað er uttan iva størsta orsøkin til, at talið av ferðafólkum, sum vilja síggja økið, er nógv vaksið.

Hetta er ikki einasta økið sum myndugleikarnir í Íslandi hava valt at steingja fyri ferðafólki, tað er gjørt í fleiri øðrum økjum eisini, sigur Daniel Freyr Johnson hjá náttúrumyndugleikunum. Støðan er tann, at Ísland ikki er ført fyri at taka ímóti teimum nógvu ferðafólkunum, sum nú vitja landið, sigur hann.

Fyribils er ætlanin, at økið við Fjarðarglufur-gjónna, verður latið upp aftur 1. juni, sigur hann við Ritzau tíðindastovuna.
 

 
Nýggjastu sendingar í ÚV
Sunnudag 19. mai
Guðstænasta í Vágs kirkju
94633
Leygardag 18. mai
Tá Saddam fór um mark
94010
Leygardag 18. mai
Tosa við foreldrini um tað
94625
Leygardag 18. mai
Morgunlestur leygardagur 18. mai 2019
94155
Nýggjastu sendingar í SV
Sunnudag 19. mai
Andaktin
94638
Sunnudag 19. mai
Guðstænasta úr Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615