Fekk meira og brúkti minni

29.05.2019 - 12:21
AktueltPengar
Fekk meira og brúkti minni
Inntøkurnar hjá Nes kommunu og avlopið vóru størri enn mett, og útreiðslurnar til rakstur og íløgur vóru minni enn roknað varð við í fjør
Toftir í Nes kommunu.
 

Væl stóð til fíggjarliga í Nes kommunu í fjør.

Inntøkurnar hjá kommununi og avlopið vóru størri enn mett, og útreiðslurnar til rakstur og íløgur vóru minni enn roknað varð við í fíggjarætlanini fyri 2018.

Bygdarráðið hevur samtykt roknskapin hjá Nes kommunu fyri 2018.

Nettoskattainntøkan hjá kommununi, tað er eftir at rentustuðulin er drigin frá, er 55,5 mió. kr., sum eru 100.000 kr. meira enn í 2017. 

Men í fíggjarætlanini er roknað við 52,9 mió. krónum, 2,6 mió kr. minni enn inntøkan veruliga gjørdist.

Raksturin kostaði 46,6 mió. kr. í fjør, 1,8 mió. kr. meira enn í 2017. 

Minni enn mett

Men raksturin kostaði 800.000 kr. minni enn mett varð, tá fíggjarætlanin fyri 2018 varð samtykt.

Avlopið hjá Nes kommunu var 3,4 mió. kr. størri enn mett.

Eisini íløgurnar kostaðu minni í fjør enn mett, 2,8 mió. kr. minni. 

Við árslok 2018 var nettoskuldin hjá Nes kommunu 21,4 mió. kr. 

Hon kann vera meira enn dupult so stór fyri at verða tað sama sum ein skattaálíkning. 

 
Nýggjastu sendingar í ÚV
Leygardag 19. oktober
Eru vit í ætt við indianarnar?
99313
Leygardag 19. oktober
Leygardagur 19. Oktober 2019
100065
Leygardag 19. oktober
Morgunlestur leygardagur 19. oktober 2019
99849
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745