Trump vil hava iranar til samráðingarborðið

16.06.2019 - 17:00
AktueltÚtheimurin
Trump vil hava iranar til samráðingarborðið
Tað sigur amerikanski forsetin, Donald Trump, sum hevur givið Iran skyldina fyri atsóknina at tveimum tangaskipum í Oman-flógvanum í síðstu viku
 

Trump er fúsur at samráðast við Iran, í eini roynd at fáa trupulleikarnar millum USA og Iran loystar.

Tað sigur Donald Trump í samrøðu við sjónvarpsstøðina Fox News.

- Vit vilja hava iranar aftur til samráðingarborðið. Eg eri til reiðar, tá teir eru til reiðar, sigur amerikanski forsetin.

Hósdagin vóru spreingingar umborð á tveimum tangaskipum í Oman-flógvanum. 

Amerikanski uttanríkisráðharrin, Mike Pompeo, hevur sagt, Iran skipaði fyri atsóknunum.

USA kunngjørdi fríggjamorgunin myndir, sum vórðu tiknar úr einum amerikanskum flogfari.

Á myndunum sæst eitt skip leggja upp á síðuna á japanska tangaskipinum Kokuka Courageous, sum var annað skipið, ið søkt varð at, og ein maður tekur okkurt úr skrokkinum á tangaskipinum oman fyri vatngangin.

Amerikanskir myndugleikar siga, at hetta er ein óbrostin mina. 

Ein spreinging var eisini umborð á tangaskipinum Front Altair, sum eldur kom í.

AP skrivar, at Front Altair er komið í havn í Sameindu arabisku emirtatunum, og skipið verður nú kannað.

 
Nýggjastu sendingar í ÚV
Mánadag 14. oktober
Norðurljóð 14. oktober 2019
99386
Mánadag 14. oktober
Átta ár við Lars - hvat nú?
99860
Mánadag 14. oktober
Við Tórði á túr á heystardegi
99851
Mánadag 14. oktober
Góðan morgun Føroyar 141019
99848
Mánadag 14. oktober
Minnismyndir: Hans Holm (1:3)
99841
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695