Danmark lyftir kredittvirðið hjá Føroyum

27.08.2019 - 12:13
AktueltPengar
Danmark lyftir kredittvirðið hjá Føroyum
Sambandið við Danmark telur við, tá greiningarfyritøkan Moody´s kannar búskapin í Føroyum
Sambandið við Danmark styrkir lánsførið hjá Føroyum, sigur Moody´s.
 

Sambandið við Danmark telur við, tá greiningarfyritøkan Moody´s kannar búskapin í Føroyum.

Føroyar fluttu eitt stig upp í stiganum hjá Moody´s í summar.

Ratingin hjá Føroyum er nú Aa2, sum er triðhægsta metingin í stiganum hjá Moody´s, sum hevur 23 stig.

Moody´s sigur, at við í metingini er, at sera sannlíkt er, at danska stjórnin tekur um endan, koma Føroyar í gjaldføristrupulleikar.

Moody´s sigur eisini, at støðufast samband við donsku stjórnina telur við, tá møguleikin hjá Føroyum at læna pengar eru ásettir. 

Kredittvirðið hjá Føroyum batnaði, tí fíggjarligi váðin í sambandi við Eysturoyartunnilin er næstan burturi nú.

Seinasta skotið

Seinasta skotið varð latið av í juni. 

Tá var sonevndi bygningsváðin hjá landinum burturi. 

Orsøkin er, at nú kann ferðsla fara undir sjónum millum Eysturoynna og Streymoynna, og tí er landið sloppið undan váðanum, sum var tann, at ikki bar til at gera Eysturoyartunnilin, so koyrandi er í honum.

Annars sigur Moody´s, at fíggjarligu og búskaparligu lyklatølini hjá Føroyum eru betri enn væntað. 

Landskassaskuldin er goldin niður, og sambært játtanarkarminum verður eisini yvirskot í fíggjarlógini næsta ár.

Og útlitini hjá Føroyum eru støðug, sigur Moody´s.

 
Nýggjastu sendingar í ÚV
Mánadag 18. november
Tóta og Rasmus eru gestir í Dansivali
101195
Mánadag 18. november
Norðurljóð 18.november 2019
100908
Mánadag 18. november
Morgunlesturin mánamorgunin 18.november 2019
101105
Mánadag 18. november
TEMPAPLÁTAN: Mike & The Mechanics, 1985
101165
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878