Tropisk ódn í Japan: 18 fólk deyð

Tropiska ódnin Hagibis rakti sunnanfyri Tokyo í gjár og flutti seg síðani norðureftir í gjár og í nátt. Ódnin elvdi til ógvusliga vatnflóð, og nógv fólk vórðu strandað á húsatekjum, har tey høvdu leitað sær undan vatnflóðini. Tað skrivar BBC.

27.000 hermannalið og onnur bjargingarlið hava bjargað fólki á landi og við tyrlu, siga japanskir myndugleikar. 

Nærum 150.000 hús í Tokyo hava mist streym og vatn. Tok og flogfør vórðu eisini avlýst, meðan stormurin leikaði harðast á.