Talið farið upp um 3.000

07.04.2020 - 09:52
AktueltSamfelag
Talið farið upp um 3.000
Næstan helmingurin av fólkunum, sum hava fingið játtað lønarískoytið frá ALS, búgva í Suðurstreymoy
Tilsamans 3.005 fólk í Føroyum hava nú fingið játtað korona-lønarískoyti
 

Nú hava tilsamans 3.005 fólk í Føroyum fingið játtað serliga lønarískoytið frá Arbeiðsloysisskipanini, vísa nýggjastu tølini í morgun.

Harumframt eru millum 700 og 800 umsóknir, sum ikki eru avgreiddar enn, sigur stjórin á ALS, Magni á Deild Olsen, við útvarpið.

Sí útgreinað tøl niðanfyri

Helmingurin av teimum játtaðu umsóknunum eru játtaðar til fólk, sum búgva í Suðurstreymoy, tey fægstu búgva hinvegin í Sandoy.

Sambært nýggjastu hagtølunum búgva 52.199 fólk í Føroyum. Sostatt fáa 5,8 prosent av fólkunum í Føroyum korona-lønarískoytið.

Í løtuni hava 1.521 kvinnur fingið játtað serliga lønarískoytið frá Arbeiðsloysisskipanini, meðan talið fyri menninar er tilsamans 1.484.

344 fólk í Føroyum fáa nú arbeiðsloysistuðul. Tey vóru 278 í farna mánað. Lønarískoytið fyri tíðarskeiðið frá 23. mars til 5. apríl verður goldið í dag, .

Arbeiðsloysisstuðulin verður goldin 15. apríl. Lønarískoytið verður goldið tvær ferðir um vikuna, so hvørt, sum umsóknirnar verða skrásettar.
 
 

 
Nýggjastu sendingar í ÚV
Hósdag 28. mai
Mono 16. apríl 2020
109455
Hósdag 28. mai
Mono 23. apríl 2020
109456
Hósdag 28. mai
Breddin
109454
Hósdag 28. mai
Kvørnin: "Modern Era", Teitur
109451
Hósdag 28. mai
Nón 28.mai 2020
109447
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292