Føroyar verða raðfestar í nýggjari politiavtalu

29.04.2020 - 13:19
AktueltPolitikkur
Føroyar verða raðfestar í nýggjari politiavtalu
Nick Hækkerup, løgmálaráðharri, hevur svarað fyrispurningi frá Edmundi Joensen, fólkatingsmanni
Edmund Joensen, fólkatingsmaður, hevur fingið svar fra løgmálaráðharranum
 

Føroyar verða raðfestar í nýggju politiavtaluni.

Tað sigur Nick Hækkerup, løgmálaráðharri, í svari til Edmund Joensen, fólkatingsmann hjá Sambandsflokkinum. Hann spurdi, um føroysku og grønlendsku umboðini á fólkatingini verða tikin við, tá samráðst verður um n ýggja politiaavtalu.

Nick Hækkerup sigur, at norðuratlantisku løgregludømini eru øðrvísi enn løgregludømini í Danmark, t.d. tá talan er um landafrøði, undirstøðukervi, uppgávurøkt og kriminalitet.

Eisini er stórur munur á Føroyum og Grønlandi. Hetta fer sjálvsagt at mynda nýggju politiavtaluna, sum eisini fevnir um føroysku løgregluna, sigur løgmálaráðharrin.

Fegnast

Edmund Joensen sigur, at hann  fegnast um, at føroyska løgregludømið verður raðfest í nýggju politiavtaluni.

Hann hevur fleiri ferðir gjørt vart við, at løgreglan í Føroyum verður ov lítið raðfest.

Til dømis er avlurtingarpakkin, sum varð samtyktur í 2015, ikki er farin at virka enn, KT-skipanirnar hjá løgregluni í Føroyum eru ikki dagførdar, og umstøðurnar til skotvenjing í Føroyum eru ikki nøktandi.

Edmund Joensen sigur, at hesar spurningar fer hann eisini at viðgera í samráðingunum við løgmálaráðharran um nýggja politiavtalu.

 
Nýggjastu sendingar í ÚV
Hósdag 26. november
Góðan morgun Føroyar
116789
Hósdag 26. november
Morgunlestur hósdagur 26.november 2020
116531
Mikudag 25. november
Breddin
116774
Mikudag 25. november
Nón 25. november 2020
116767
Mikudag 25. november
Góðan morgun Føroyar
116746
Nýggjastu sendingar í SV
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617