- Tíðindi, mentan og ítróttur
Maskur í flogfarinum og til fótbóltsdystir
Føroyingar eiga at brúkt masku, tá ið teir ferðast í flúgvara ella fara til fótbóltsdystir.
Tað sigur Pál Weihe, professari í fólkaheilsu.
Heimsheilsustovnurin, WHO, hevur broytt sítt tilmæli og mælir nú til, at fólk brúka masku í almenna rúminum.
Hoyr alt innslagið og samrøðuna við Pál Weihe her:
WHO broytt tilmælið
Fólk skulu nú ganga við masku í almenna rúminum, fyri at umganga smittubreiðslu av korona.
Soleiðis ljóðar nýggja, og broytta, tilmælið frá Heimsheilsustovninum, WHO.
Heimsheilsustovnurin hevur áður sagt, at tað ikki finnast nóg góð prógv fyri, at maskur avmarka smittubreiðsluna.
Men nú er tilmælið broytt.
WHO sigur nú, at maskurnar eru ein verja móti, at smittan breiður seg við dropum av spýtti.
Tað er serliga á støðum, har tað er torført at halda frástøðu, at WHO mælir til at brúka masku.
WHO mælir tó til, at fólk ikki brúka somu maskur, sum verða brúktar innan sjúkrahúsgátt, fyri at umganga, at trot verður á hesum maskum.