Hægstirættur: Skulu ikki gjalda endurgjald

22.06.2020 - 11:29
AktueltSamfelag
Hægstirættur: Skulu ikki gjalda endurgjald
Hægstirættur hevur staðfest avgerðina hjá Eystari landsrætti um tað eina lánið, men broytt avgerðina hjá Landsrættinum um hitt lánið
 

Fýra menn, sum vóru í leiðsluni hjá Eik Bank Danmark, skulu ikki gjalda Fíggjarligum støðufesti 28,6 milliónir krónur í endurgjaldi.

Tað hevur Hægstirættur avgjørt í dag.

Hægstirættur sigur, at leiðslan, stjórn og nevnd, í Eik Bank Danmark er ikki endurgjaldsskyldug í samband við tvey lán hjá bankanum.

Hægstirættur hevur tí staðfest avgerðina hjá Eystari landsrætti um tað eina lánið, men broytt avgerðina hjá Landsrættinum um hitt lánið.

Eystari landsrættur álegði fýra í leiðsluni at gjalda Fíggjarligum støðufesti 28,6 milliónir krónur í endurgjaldi. 

Men teir fýra hava ikki endurgjaldsskyldu, sigur Hægstirættur, og skulu tí einki gjalda.

Meira enn 15 mió. kr. í sakarmálskostnaði

Tað kostaði Fíggjarligum støðufesti góðar 15 milliónir og 225.000 krónur í sakarmálskostnaði hjá teimum seks monnunum, sum vóru í stjórn og nevnd hjá Eik Bank Danmark.

Hægstirættur sigur eisini, at í egnum sakarmálskostnaði í Eystari landsrætti skal Fíggjarligt støðufesti gjalda 2,5 milliónir krónur afturat tí, sum higartil er goldið.

Sakarkravið hjá Fíggjarligum støðufesti var 250 mió. kr., men Eystari landsrættur lækkaði tað niður í 28,6 milliónir.

Fíggjarligt støðufesti helt tó fast við tær 250 milliónirnar í Hægstarætti.
 

 
Nýggjastu sendingar í ÚV
Leygardag 31. oktober
TEMAPLÁTAN: The Lexicon of Love, ABC, 1982
115615
Leygardag 31. oktober
Á Quiztinum - 8. innleiðandi umfar
115579
Leygardag 31. oktober
Jambalaja 311020
115613
Leygardag 31. oktober
UFO Kjallarin og Fort Benning
115612
Leygardag 31. oktober
Morgunlestur leygardagur 31.oktober 2020
115366
Nýggjastu sendingar í SV
Hósdag 29. oktober
Línumenn (2:3)
115501
Týsdag 27. oktober
Atlantshavið (2:3) - Fjøllini í dýpinum
115572
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261