Fara vinnuferð í Ísraels

02.07.2021 - 06:28
AktueltVinna
Fara vinnuferð í Ísraels
Vinnuferðin til Ísrael verður fyriskipað, hóast sendimaðurin nú fer í annað starv, og Ísrael stríðist við at basa útbroti av Delta-frábrigdinum
 

Vinnuferðin til Ísraels verður hálvan oktober, frá 13. til 19.oktober, og nú ber til at tekna seg til ferðina, skrivar Uttanríkis- og mentamálaráðið í tíðindaskrivi. 

Sendistovan í Tel Aviv og Uttanríkis- og Mentamálaráðið skipa fyri.

Millum annað verður hátíðarhald í sendistovuni í sambandi við, at sendistovan er latin upp.

Vitjað verður í Tel Aviv og Jerusalem. 

Jenis av Rana, landsstýrismaður, stendur á odda fyri ferðini.

Vinnuferðin til Ísrael verður fyriskipað, hóast sendimaðurin nú fer í annað starv, og Ísrael stríðist við at basa einum útbroti av Delta-frábrigdinum av koronavirusinum. 

Ferðalagið flýgur beinleiðis úr Føroyum til Tel Aviv og heimaftur við Atlantic Airways.

Vinnuferðina kostar 32.250 krónur.

 

Gjald fyri at finna viðkomandi fyritøkur

Sendistova Føroya vil fegin, fyri eitt minni gjald, bjóða føroysku fyritøkunum at finna fram viðkomandi ísraelskar fyritøkur, sum føroyskir luttakarar ynskja at møta, og leggja til rættis fundir við hesar.

Uttanríkis- og mentamálaráðið hava kunngjørt eina fyribilsskrá, sum sær soleiðis út:

 

13. oktober: Fráferð úr Vága Floghavn kl. 8.00, lenda í Tel Aviv kl. 16.00. Í Tel Aviv gistir føroyska ferðalagið á Hotel Dan Tel Aviv.

14. oktober: Fyrrapartin verður hátíðarhald á Sendistovu Føroya í sambandi við, at sendistovan er latin upp. Seinnapartin verða felags vitjanir hjá fyritøkum/stovnum.

15. oktober: Felags vitjanir hjá fyritøkum/stovnum. Koyrt verður í bussi til Jerusalem, fráferð uml. kl. 16.00. Í Jerusalem gistir ferðalagið á Hotel David Citadel.

16. oktober: Leygardagur er sabbatur. Frídagur er, og møguleiki er fyri rundvísing í Jerusalem.

17.  oktober: Fyrrapartin verður mini-ráðstevna um týdningin, sum nýmenning hevur fyri framburð, við fyrilestrum og rundborðssamrøðum. Seinnapartin felags fyritøku-/stovnsvitjanir.

18. oktober: Møguleiki fyri Business-to-Business fundum.

19. oktober: Fyrrapart er møguleiki fyri Business-to-Business fundum. Fráferð úr Tel Aviv kl. 16.45, lenda í Vágum kl. 23.00.

 

Meira um ferðina fæst at vita á heimasíðuni hjá Uttanríkis- og mentamálaráðnum

 

Er kopiera
Nýggjastu sendingar í ÚV
Mánadag 20. september
Við Tórði á túri eftir havhestaungum
128821
Mánadag 20. september
Nón 20. september 2021
128818
Mánadag 20. september
Norðurljóð 20. september 2021
128718
Mánadag 20. september
#sparkakrákunaút
128806
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699