Amnesty Føroyar vil hava hjúnarbandslógina broytta

Katrin á Neystabø sigur, at Amnesty Føroya Deild, hevur nevnt hjúnarbandslógina í skuggaraportini til ST, tí hjúnarbandslógin er ein partur av málunum hjá Amnesty.

Herfyri staðfesti Hægstirættur í USA, at tvey fólk av sama kyni hava rætt til hjúnaband, og fyri einari viku síðani staðfesti Evropeiski mannarættindadómstólurin, at Italia brýtur mannarættindini við ikki at loyva samkyndum at giftast ella at skrásetast í parlag.

Teir sjey dómararnir visa til grein 8 í evropeiska mannarættindasáttmálanum, sum snýr seg um rættin til privat- og familjulív.