- Tíðindi, mentan og ítróttur
Skulu skapa fleiri spennandi størv til ungar kvinnur innan ferðavinnuna
Skulu skapa fleiri spennandi størv til ungar kvinnur innan ferðavinnuna
Skal føroyska ferðavinnan vera burðardygg, so er neyðugt at skapa fleiri spennandi størv til ungar kvinnur, staðfestir Visit Faroe Islands í nýggju ferðavinnuætlanini
Mynd: Bjarni Árting Rubeksen
03.11.2023 - 09:55
Guðrið Højgaard, stjóri í Visit Faroe Islands, legði týsdagin fram eina nýggja ferðavinnuætlan.
Eitt av aðalmálunum í nýggju ferðavinnuætlanini hjá Visit Faroe Islands er at skapa fleiri størv í ferðavinnuni, sum tiltaka ungum kvinnum.
"70 prosent av starvsfólkunum innan ferðavinnuna eru kvinnur, og vit í Visit Faroe Islands síggja, at tað eru nógvar kvinnur, ið hava valt Føroyar til, tí hesi størvini í ferðavinnuni finnast," sigur Guðrið Højgaard.
Visit Faroe Islands sær hesi størv sum ein avgerandi partur av burðardygdini hjá føroysku ferðavinnuni í framtíðini.
"Partur av burðardygdini er, at ungar kvinnur skulu hava góðar møguleikar til spennandi størv og áhugaverdar yrkisleiðir í høvuðsvinnu í Føroyum."
Ferdavinnan_og_kvinnur
Nýggjastu sendingar í ÚV
Nýggjastu sendingar í SV