Fá hjálp til at søkja inn í Onglandi

Nógv tey flestu, sum fara út um Norðurlond í lestrarørindum, fara til Stóra Bretlands. At søkja inn í Stóra Bretlandi er kortini nakað øðrvísi enn at søkja inn í Danmark, og tí skipar Altjóða Skrivstovan mánakvøldið fyri einum tiltaki, har vegleitt verður í, hvussu umsóknin skal fyllast út. 

Tá ið ein søkir inn á universitet í Stóra Bretlandi skulu umsóknirnar sendast inn umvegis heimasíðuna hjá UCAS. Ein kann søkja upp til fimm útbúgvingar í senn, og ein umráðandi partur av umsóknini er at skriva eitt "Personal Statement", har tú greiðir frá tínum áhugamálum, framtíðarætlanum og dygdum. Tær flestu freistirnar at søkja inn á universitet í Stóra Bretlandi eru í januar-mánað. 

Vegleiðingin til søkja inn umvegis UCAS verður mánakvøldið kl. 19 á Handisskúlanum í Havn.