Greta og Heiðrik við vakrari duett

Tasty Tears er heitið á nýggja lagnum, sum Greta Svabo Bech og Heiðrik á Heygum geva út. Talan er um eina vakra, friðarliga duett við einum einføldum sjónbandi til. Hóast Greta og Heiðrik hava kenst leingi, er hetta fyrstu ferð, at vinarlagið úrslitar í einum tónlistarligum samstarvi. 

Tey hava bæði gjørt orð og lag, Sakaris E. Joensen spælir gittar og Jens L. Thomsen hevur ljóðblandað. Til sjónbandið skiftust tey um at filma hvønn annan, og síðan hevur FriisFrame eftirviðgjørt upptøkurnar. 

Bæði Heiðrik á Heygum og Greta Svabo Bech arbeiða í løtuni við nýggjum útgávum. Greta letur í næsta ár fýra EPir út - eina fyri hvørja árstíð. Tann fyrsta EPin verður latin út í mars. Eisini Heiðrik situr og skrivar løg til eina komandi útgávu og arbeiðir við at fáa ein plátusáttmála í lag í Týsklandi. 

Hoyr Tasty Tears her.