Nú kanst tú atkvøða til Tórshavnar Ungdómsráð

Býrt tú í Tórshavnar kommunu og ert tú millum 14 og 22 ár, hevur tú nú møguleika at gera tína atkvøðu galdandi í valstríðnum til Tórshavnar Ungdómsráð. Valið endar 28. mars.

Øll ung í hesum aldursbólkinum í Tórshavnar kommunu hava í síðstu viku fingið eitt loyniorð sendandi við postinum. Hetta loyniorðið skal brúkast til at rita inn við, so tú kanst atkvøða her.

Í samband við at valið er skotið í gongd, verður í morgin, mikudagin 26. mars, pallborðsfundur í Margarinfabrikkini. Her koma valevnini til ungdómsráðið til orðanna, og eisini kemur Helena Dam á Nesytabø at greiða frá endamálinum við ráðnum.

Valskeiðið er í 2 ár, har 5 limir og 5 varðalimir verða valdir inn. Hetta er tað fyrtsa av sínum slag, og eisini tað fyrsta valið, ið fer fram talgilt. Ætlanin við ráðnum er, at tað skal verða røddin hjá ungdóminum, soleiðis at ungdómurin verður betur umboðaður í kommunalum høpi.

Hesi eru valevnini:

Eyðun Poulsen

Lydia Sólheim

Bjørg A. Toftegaard

Hildbert R. Johannesen

Tór Marni Weihe

Harald Joensen

Hanna Vang

Bogi Bech Húsgarð

Gunnhild Hansen

Oda Strøm

Drós Ragnarsdóttir

Ásvør Lognberg

Rebekka Eliasen

Magnus Heinason Eysturoy

Tú kanst lesa meiri um hvønn einstakan á heimasíðuni hjá Tórshavnar Kommunu.

Her er leinkjan til valskipanina, har tú kanst atkvøða.