- Tíðindi, mentan og ítróttur
Soleiðis sovnar tú skjótari
Ofta er tað ringt at sovna um kvøldarnar. Onnur uppliva, at tey vakna um náttina og liggja leingi í andvekri. Men nú er ein loysn funnin, ið kann hjálpa tær at sovna skjótari og enntá sova ein djúpari svøvn um náttina. Tað einasta, ið tú skalt gera, er at anda á ein serligan máta.
Tað er 4-7-8 andingarmátin, sum ger at tú bæði sovnar skjótari og svevur ein djúpari svøvn. Dr. Andrew Weil er komin við 4-7-8 andingarvenjingini og kallar hana fyri natúrliga avstreinging fyri nervaskipanina. Andingarmátin minnir eitt sindur um meditatión og er serliga góður at gera, tá tú hevur ein stressandi dag.
Les eisini: Tí skulu kvinnur sova longri enn menn
Somuleiðis er tað gott at anda djúpt og brúka venjingina nakrar ferðir, áðrenn tú skalt í eina stressandi støðu til dømis, tá ið tú skalt upp í roynd ella mungar eftir góðgæti.
Soleiðis brúkar tú 4-7-8 andingarmátan:
- Legg tað ytsta av tunguni undir góman aftan fyri framtenninar, og halt tunguni har undir allari andingini.
- Anda út gjøgnum allan munnin og ger eitt “vhuush”-líknandi ljóð.
- Lat munnin aftur og anda skjótt inn gjøgnum nøsina, meðan tú í høvdinum telur upp í fýra.
- Halt andadráttinum og tel upp í sjey.
- Anda heilt út gjøgnum munnin, meðan tú aftur gert eitt “Vhuush” ljóð og samstundis telur upp í átta.
- Alt skal ganga fyri seg í einum andadrátti. Anda síðan inn aftur og endurtak venjingina tríggjar ferðir.
Í sjónbandabroti sært tú Dr. Andrew Weil greiða frá og vísa, hvussu tú skalt gera 4-7-8 andingarvenjingina.
Sissal bloggar: #2. partur | Sissal Drews Hjaltalin bloggar frá Cannes-festivalinum | |
Sissal bloggar: #1. partur | Sissal Drews bloggar frá Cannes-festivalinum | |
Topp 10: Mest lisnu greinar á Röddini 2018 | Her er ein listi yvir mest lisnu greinarnar í 2018 | |
Sigarettirnar eru skiftar út við snús | Fólkaheilsuráðið gav fyri stuttum út nýggja Gallup-kanning, sum vísir, at føroyingar roykja minni enn nakrantíð. Sambært kanningini roykja 25 % av... | |
Jólakalendarin: tiltøk í desember | Tað eru sjálvandi eisini nógv tiltøk á skránni hendan jólamánaðan. |