Ranchus við nýggjum staklagi

Eksperimenterandi rokkbólkurin Ranchus hevur í dag givið út nýtt staklag og tilhoyrandi sjónbandalag. 

Við í bólkinum Ranchus eru Sigmund Zachariassen, Sjúrður Samuelsen, Ólavur á Skipagøtu og Hans Andrias Gregoriussen.

Hoyr lagið ”Promises” her.

Nýggja lagið ”Cuz of U” verður eisini at hoyra á komandi fløguni hjá bólkinum, sum væntandi kemur út í apríl.

Limirnir í Ranchus hava valt at framleiða alt sjálvir. Tað vil siga, at bæði lagið og sjónbandalagið til ”Cuz of U” er skrivað, framført, upptikið, miksað, rættað, framleitt og stjórnað av limunum í bólkinum. 

Sí og hoyr nýggja lagið niðanfyri.