Gestamiksið: Martin Falkenberg miksar Marius Ziska

Martin Falkenberg hevur júst lagt út eitt nýtt remiks, hesa ferð av einum sangi hjá Mariusi Ziska. Martin fekk hug til at gera eitt remiks av einum føroyingi og sat tí og lurtaði ígjøgnum eina rúgvu av føroyskum tónleiki. Tá hann hoyrdi lagið, Going Home, sum er á nýggju fløguni hjá Mariusi Ziska, so visti hann, at hetta var júst tað lagið, sum skuldi remiksast. 

Les eisini: Gestamiksið: Martin Falkenberg - Keeping it Tropical

Martin hevur altíð dámað væl røddina hjá Mariusi og heldur, at hon passar perfekt til tropisku house rútmurnar, sum hava sett sín dám á miksið.

Martin vónar at raka ein stóran málbólk, av tí at hetta ikki er nakað vilt remiks, men avslappandi og hugnaligur tónleikur. Hoyr nýggja miksið niðanfyri.

Eisini ber til at heinta lagið ókeypis við at trýsta á lítla innkeypsvognin í høgra horni.