Dansa teg heitan í illveðrinum

Vetrarhálvan er av sonnum byrjað við illsligum veðri, og tað er eisini sesongtíðin hjá føroyska dansinum. Flestu dansifeløgini kring landið dansa regluliga alla vetrarhálvuna fram til føstulávint.

Á heimasíðuni hjá landsdansifelagnum, Sláið Ring, kanst tú kunna teg nærri um skránna hjá lokalu dansifeløgunum.

Dansur fyri útisetar

Á flatlondum fjálga føroyingar eisini um føroyska dansin. Dansifelagið Fótatraðk skipar sunnukvøld kl. 19.00-21.30 fyri føroyskum dansi á loftinum í Føroyahúsinum í Keypmannahavn. Hygg at skránni her. 

Kvæðauppskriftir og upptøkur

Dugir tú ikki kvæðini, so eru góð ráð at taka til. Á heimasíðuni hjá fleiri dansifeløgum kanst tú finna uppskriftir m.a. á heimasíðunum hjá Eysturoyar Dansifelag, Fótatraðk og Dansifelagnum í Havn. Á Youtube finnast eisini fleiri upptøkur. 

Kringvarpið hevur eisini gjørt fleiri sendingar, sum eita Upp á gólv, har ymisk dansifeløg dansa. Og ert tú meira forvitin, kanst tú hoyra sendingar, har Jóhan Mortensen tosar við dansihugað fólk í sendingini Dansival.