Stuttsøgukapping á Glasi
- Skúlin hevur havt kór og skipað fyri sangkvøldum í eitt mannaminni, men enn hevur einki verið gjørt við kreativa skriving, sigur Sámal Soll, ein av fyriskiparunum
09.04.2017 - 14:15

Nú hava allir næmingar á Glasi møguleikan at luttaka í stuttsøgukapping, har tríggjar tær bestu søgurnar fáa vinning à ávikavist 3000, 2000 og 1000 kr. Umframt peningavirðisløn fáa bestu søgurnar møguliga tilboð um ritsjórnarliga viðgerð við útgávu í hyggju. Hetta er altso ein gyltur møguleiki hjá tær, ið dámar væl at skriva.

 

- Endamálið við kappingini er at birta upp undir hugin hjá næmingum til kreativa skriving. Skúlin hevur havt kór og skipað fyri sangkvøldum í eitt mannaminni, men enn hevur einki verið gjørt við kreativa skriving, sigur Sámal Soll, ið er ein av fyriskiparunum.

 

Stuttsøgurnar skulu skrivast á føroyskum, og tær skulu ganga fyri seg í nútíðini í Føroyum. Markið er 2000 orð, so spar uppá orðini!

 

- Ætlanin er, at hetta skal vera eitt afturvendandi tiltak, og arbeitt verður ímóti at skipa fyri skriviskeiði á skúlanum til næstu ferð, leggur Sámal Soll afturat. 

 

So um tú hevur ein lítlan rithøvund í tær, skriva so eina stuttsøgu. Freistin senda hana inn er 1. mai. 

 

Les meira um kappingina her.

 
 

 

 

Hevði tú yvirlivað G! festivalin í einum pappkassa? Til G! festivalin 2018 bar til at keypa sær papptjald í staðin fyri eitt vanligt. Barbara Dahl McBirnie keypti saman við vinkonuni eitt papptjald
Hvat gongur fyri seg á screwgonguni á G! Tað var gott lag í Gøtuí dag, 13.juli 2018, kl. 16.00. Dansur, róp, sangur, hugnaligt prát og glaðir festival gestir fylti vegin millum Norðagøtu og...
Ymsar meiningar um høvuðsnavnið á G! Rag’n’Bone Man er høvuðsnavnið á G! Festivalinum 2018. Í gjár, 11 juli spældi hann á sandinum. Røddin hevur verið og spurt, hvat tey á teltøkinum...
Mikudagur á G! Í gjár byrjaði ársins G!-festivalur. Lagið var gott, og nógv fólk vóru møtt til fótbólt, tónleik og hugna. Til hálvfinaluna millum Ongland og Kroatia...
Mikudagur á G!