Kenna tit Silvurdrong?
Les samrøðu við Silvurdrong, ið spældi á G! festivalinum fríggjadagin
15.07.2017 - 17:22

Skrivað hevur Magnus Høgenni

 

Síðan G! varð stovnað hevur tað verið ein festivalur har nýggjar, ókendar og alternativar røddir á føroyska tónleikapallinum ordiliga kundu staðfesta seg.

Her er mangt nýtt, løgið og áhugavert at finna, og 26 ára gamli Trygvi Danielsen úr Havn er als einki undantak. Hann er tó ikki heilt ókendur á festivaløkinum; hansara síðsta tónleikaliga projekt var "The Absent Silver King". Nú er hann so aftur, hesa ferð undir nýggjum navni; Silvurdrongur. Røddin hevur sett honum nakrar spurningar.

 

Hvat er Silvurdrongur?

- Silvurdrongur er eitt projekt, eg havi saman við Per Højgaard Petersen og Kára Andrias, ið komponera, meðan eg skrivi orð til. Eg veit ikki heilt, hvat fyri sjangru tað passar inn í, eg hevði heldur lýst tað sum orðasangur: tað er orðarætt kinverska orðið fyri yrking. Tað er ikki ordiliga hipp-hopp, og heldur ikki spoken word. Kanska eitt millumting, sigur Trygvi.

Hansara skrivimáti er ikki nakað, ið lætt kann lýsast. Abstraktur, men beinleiðis, ríkur í orðaráði og lýsingum, tó enn sera greiður og gerandisligur.

 

Kanst tú lýsa tín skrivistíl?

- Eg veit ikki, eg royni bara at vera erligur. Mær dámar væl orðaspæl, at fokka runt við orðum, at arrangera og umarrangera tey, fáa tey at ríma onkuntíð og onkuntíð ikki, sigur hann.

Trygvi er heldur ikki vanligur, tá tað kemur til at framføra; Ofta fer hann av pallinum og spælir seg runt millum fjøldina.

 

 

Hvat merkir G! fyri teg?

- G! hevur sera stóran týdning fyri føroysku tónleikasenuna og fyri meg. Serliga tá eg var yngri, frá 14 og uppeftir, eg var so spentur at fara dagarnar áðrenn festivalin. Spenningurin er ikki tann sami í dag, men hann er har enn. Nú er tað so heldur blivið til, at eg eri spentur til at framføra, sigur Trygvi Danielsen at enda.

 
 

 

 

- Føroyingar hava ein góðan kjans ímóti restini av verðini - Eg fari heim at feiðra hetta við einum stórum posa av bommi
- Eg havi nærum einki etið seinastu 24 tímarnar Burn Showdown verður í vikuskiftinum 17. og 18. november. Í gjárkvøldið skuldu allir luttakararnir vigast
- Ja til lívið, ja til at vaksa Ummæli av dansisýningini “Wisdom from the roots” í Norðurlandahúsinum 14. november. Ein áhugaverd vinkling av norrønu gudalæruni, men við einum ov seinum tempoi til at fanga málbólkin, “zappara generatiónin”
Lærarar eru púra samdir í trappustreykuni Trappustreykan í Hoydølum hevur hildið á í yvir ein tíma. Næmingarnir standa saman og syngja, rópa og gera alt fyri at fáa sítt mál fram
Føroysku grastekjurnar eru perfektar til eplaveltu Urban Garden er eitt rák, sum ger um seg í útlandinum. Tankin er at skapa eina oasu í einum tætt bygdum øki