Hevði tú yvirlivað G! festivalin í einum pappkassa?
Til G! festivalin 2018 bar til at keypa sær papptjald í staðin fyri eitt vanligt. Barbara Dahl McBirnie keypti saman við vinkonuni eitt papptjald
17.07.2018 - 17:14
Skrivað hevur: Rannvá Dahl Hanusson

 

Barbara og vinkonan keyptu ikki papptelt til at sova í, men brúktu tað at goyma tingini hjá sær. Fyrsta upplivingin var fín, har var einki ljós í teltinum, men tað var fínasta slag, heldur Barbara. Hon svav í teltinum einaferð í nakrar tímar.

 

-Tað var øgiliga kalt, tí har eru smá hol í tjaldinum. Hurðarnar kunnu ikki latast ordiliga aftur, og tað ber ikki til at lata vindeygað aftur, um tað er latið upp einaferð. Tí kemur vindurin inn gjøgnum vindeygað, sigur Barbara

 

Eitt vatntætt tjald, sum ikki yvirlivir vatn

 

-Tey lýstu við at tjaldið er vatntætt. Men eg hevði hoyrt frá fleiri, sum høvdu papptelt á G! í fjør, at tað passar ikki. Eg valdi allíkavæl at hava álit á at tey eru vatntøtt, tí tey hava lýst við tí aftur í ár, sigur Barbara.

 

Fríggjakvøldið, 13.juli á G! festivalinum oysti regnið niður. Hon fekk at vita, at tjaldið var dottið saman og fór til teltið skjótast gjørligt.

 

-Teltið hjá mær var farið við vindi og vatni. Vaktirnir høvdu koyrt tað burtur og latið míni ting ligið á bønum. Eg misti mínar buksur, troyggju og alt alkoholið. Tað var alt burtur, sigur Barbara.

 

Samanumtikið heldur Barbara, at pappteltini eru fín, um mann ikki ætlar sær at sova í teimum og tað ikki regnar.

 
 

 

 

Sigarettirnar eru skiftar út við snús Fólkaheilsuráðið gav fyri stuttum út nýggja Gallup-kanning, sum vísir, at føroyingar roykja minni enn nakrantíð. Sambært kanningini roykja 25 % av...
Jólakalendarin: tiltøk í desember Tað eru sjálvandi eisini nógv tiltøk á skránni hendan jólamánaðan.
Ein hjálpandi hond til Bv3 Ein lítil hjálp frá einum Bv3 skrivara til annan.
28,4 milliónir til Glasir: Hvar enda pengarnir? Fyri einum lítlum mánaða síðani bað Glasir um enn eina eykajáttan. Hesu ferð upp á 18,7 milliónir. Hendan eykajáttanin er nú vaksin til 28,4...
Podcast: Røddin við Hera Danielsen Ein poddur til tín, sum í veruleikanum bara keðir teg. Til tín, ið bara gjara vil lurta eftir onkrum ráum, originalum og óheftum lummafilosofiskum.