Makrelurin: Royna eitt samráðingarumfar afturat

Makrelsamráðingarnar í Bergen hesa vikuna millum strandarlondini ES, Føroyar, Ísland og Noreg góvu einki úrslit.<div><br></div><div>Samráðinngarnar vístu, at enn er langt millum partarnar. Tað, sum skilir, er spurningurin um, hvussu heildarkvotan av makreli skal býtast millum londini.</div><div><br></div><div>Strandalondini hava kortini avtalað at hittast aftur til enn eitt samráðingarumfar, sum verður í Reykjavík frá 14. til 16. februar, upplýsir Fiskimálaráðið.</div><div><br></div><div>Jákup Mikkelsen, landsstýrismaður, sigur, at tað hevur stóran týdning, at Føroyar framhaldandi verja síni rættindi og krøv í makrelmálinum. Samstundis ásannar landsstýrismaðurin, at dentur verður lagdur á at finna semjur, tí í longdini tæna tær øllum pørtum best, sigur Jákup Mikkelsen.&nbsp;</div>