Thorning setir ES fram um ríkisfelagsskapin

<div>Danski Fólkaflokkurin fer undir ongum umstøðum at góðtaka, at Danmark trumlar Føroyar niður, og harvið setir ES fram um ríkisfelagsskapin.</div><div><br></div><div>Tað sigur framsøgumaðurin í føroyskum viðurskiftum hjá Danska Fólkaflokkinum, Søren Espersen, í einum tíðindaskrivi um ætlaðu ES-tiltøkini móti Føroyum, í sambandi við makrelósemjuna.</div><div><br></div><div>- Tað er andstyggiligt, at Helle Thorning-Schmidt og stjórn hennara nú fø fáa okkum í eina støðu, at Danmark við ES-formansskapinum skal seta í verk tiltøk móti Føroyum. Við hesum hjálpa vit írskum og skotskum fiskimonnum at geva føroyingum ein frammaná, sigur Søren Espersen.</div><div><br></div><div>Í tíðindaskrivinum hevur Søren Espersen eisini eitt prik til annan føroyska fólkatingslimin.</div><div><br></div><div>- Spennandi verður at síggja, hvørt Sjúrður Skaale, fólkatingslimur fyri Javnaðarflokkin, framhaldandi verður parlamentariska grundarlagið undir reyðu stjórnini hjá Helle Thorning-Schmidt, um hon á henda hátt verður við til at syndra føroyskan búskap, sigur framsøgumaðurin hjá Danska Fólkaflokkinum.</div><div><br></div>