Framvegis ov nógvur smáfiskur uppií

<div>Fýra ísfiskatrolarar, tvey pør, hava nú mist fiskiloyvið í 10 dagar, tí teir høvdu ov nógvan smáfisk.&nbsp;</div><div><br></div><div>Fiskiveiðueftirlitið finnur framvegis nógvan smáfisk hjá partrolarunum.</div><div><br></div><div>Veiðan hjá tveimum trolarum, sum avreiddu upsa í Eysturoynni, varð kannað nú í vikuni. &nbsp;Trolararnir royndu í fýra dagar. Fyrsta dagin vóru stívliga 96 prosent av veiðuni hjá øðrum trolaranum smáfiskur, annan dagin 71 prosent, triðja dagin 75 prosent og fjórða dagin góð 21 prosent.</div><div><br></div><div>Skipini landðu 400.000 pund, og meira enn 70 prosent vóru smáfiskur. &nbsp;Loyvda hámarkið er 30 prosent. Miðallongdin á upsanum var 53 sentimetrar.</div><div><br></div><div>Ikki kann sigast, at skipararnir gjørdu tað stóra fyri at sleppa undan smáfiski, sigur Fiskiveiðieftirlitið.&nbsp;Tað staðfesti, at skipini royndu á somu slóð á Munkagrunninum, til Fiskiveiðieftirlitið stongdi økið.</div><div><br></div><div>Í síðstu viku mistu tveir trolarar í Suðuroynni fiskiloyvið í 10 dagar fyri at hava ov nógvan smáupsa. &nbsp;</div><div><br></div><div><br></div>