Jákup Mikkelsen verður verandi í Fiskimálaráðnum

<div>Hóast Føroyar lata Russlandi makrel &nbsp;aftur fyri tosk í Barentshavinum, heldur Fiskimálaráðið ikki, at makrelurin er óloysiliga knýttur at samráðingunum um fiskirættindi í Barentshavinum.</div><div><br></div><div>Jákup Mikkelsen, landsstýrismaður í fiskivinnumálum, hevði ikki ábyrgdina av samráðingunum við Russland um toskakvotu í Barentshavinum í 2012.&nbsp;</div><div><br></div><div>Landsstýrismaðurin segði sjálvur, at hann var ógegnigur, tí svágur hansara hevur trý av fimm fiskiloyvum í Barentshavinum.</div><div><br></div><div>Men Jákup Mikkelsen metir seg ikki vera ógegnigan at hava ábyrgdina av makrelsamráðingunum.&nbsp;</div><div><br></div><div>Og løgmaður hevur onga ætlan um lata onkran annan loysa Jákup Mikkelsen av í Fiskimálaráðnum. &nbsp;&nbsp;</div><div><br></div><div>- Eg havi einki at finnast at viðvíkjandi embætisførsluni hjá landsstýrismanninum í fiskivinnumálum. Og eg haldi ikki - sum støðan er nú - at nakað er til hindurs fyri, at hann heldur fram í embæti sínum.&nbsp;</div><div><br></div><div>Tað sigur Kaj Leo Holm Johannesen, løgmaður, í svari til &nbsp;fyrispurning frá Kristini Michelsen, løgtingsmanni.</div><div><br></div><div>Javnaðartingmaðurin spurdi løgmann um gegnisviðurskiftini hjá landsstýrismanninum í fiskivinnumálum. Jákup Mikkelsen er svágur Hanus Hansen, sum hevur áhugamál í flestum skipabólkum.</div><div><br></div><div>Løgmaður vísir á, at hann hevur fingið ein lista við málum, har landsstýrismaðurin sigur seg vera ógegnigan. Og annars verður støða tikin til gegnið frá máli til mál, sigur Kaj Leo Holm Johannesen, løgmaður.</div><div><br></div><div>Hann vil ikki taka støðu til spurningin um gegnið, tá ið ræður um makrelin og Barentshavið, men vísir til Fiskimálaráðið: Har sigur løgfrøðin, at eingin gengnistrupulleiki er viðvíkjandi makrelinum.</div><div><br></div>