Kanna mál um peningasvik í Rúsuni

<div>Leiðslan á Rúsdrekkasølu Landsins kannar eitt mál um svik á eini av deildunum hjá Rúsuni.</div><div><br></div><div>Allan Skaalum, stjóri, váttar, at nærri kanningar verða gjørdar av einum máli um møguligan undandrátt.</div><div><br></div><div>- Men av tí at talan er um eitt starvsfólkamál fái eg fyribils ikki gjørt fleiri viðmerkingar, sigur hann.&nbsp;</div><div><br></div><div>Allan Skaalum ger eisini vart við, at talan er um eitt gamalt mál, sum honum kunnugt varð loyst fyri meira enn einum ári síðani.&nbsp;</div><div><br></div><div>Allan Skaalum varð settur stjóri á Rúsdrekkasølu Landsins í oktober, og kennir onki til málið, fyrr enn nú Oyggjatíðindi skriva um tað. Blaðið vil vera við, at svikað er fyri fleiri 100 túsund krónur.</div><div><br></div><div>- Sum eg havi skilt, er málið avgreitt langt fyri mína tíð, og talan er heldur ikki um so stórar upphæddir, sum blaðið skrivar, sigur Allan Skaalum</div><div><br></div><div>Men hann váttar, at leiðslan á Rúsdrekkasølu Landsins kannar, hvussu umfatandi málið um fíggjarligan undandrátt á eini av deildunum er.</div>