Línuskipini eiga at fáa kvotuna á Flemish Cap

Stendur tað til Alfred Olsen, formann í løgtingsins Vinnunevnd, eiga línuskipini at fáa kvotuna á Flemish Cap í ár.<div><br></div><div>Alfred Olsen skrivar í grein í bløðunum, at tað verður til gagns fyri alt samfelagið, um línuskipini fáa tey 2200 tonsini av toski á Flemish Cap. Hann sigur, at línuflotin verður endurnýggjaður við nýggjum frystilínuskipum, ið flyta fiskiskapin og framleiðsluna longur fram á leið.&nbsp;</div><div><br></div><div>Og føroysku fiskavirkini, ið hava tørv á fiski, fáa hesi 2200 tonsini afturat. Tað fer at gera arbeiðið á virkjunum støðugari og at ávirka rakstrarúrslitið positivt.&nbsp;</div><div><br></div><div>Alfred Olsen heldur, at flakatrolararnir, sum hava fiskað kvotuna á Flemish Cap seinastu árini, tola at missa hana, tí toskakvotan í russiska partinum av Barentshavinum er økt.&nbsp;</div><div><br></div><div>Men eftir øllum at døma verða tað aftur flakatrolararnir, sum sleppa at fiska toskvotuna á Flemish Cap í ár.</div><div><br></div><div>Vágaportalurin veit at siga frá Jacobi Vestergaard, landsstýrismanni í fiskivinnumálum, at umsitingin í ráðnum mælti til at lata flakatrolarunum kvotuna, og hesi tilráðing hevur landsstýrismaðurin avgjørt at fylgja.&nbsp;</div><div><br></div><div>Sambært Jacobi Vestergaard hava reiðaríini hjá teimum trimum flakatrolarunum gjørt av at lata eitt skip fiska kvotuna á Flemish Cap og so mótrokna i kvotuni í Barentshavinum.&nbsp;</div>