- Tíðindi, mentan og ítróttur
Serfrøðingar skulu samráðast um fiskirættindi
<div><br></div><div>Stendur tað til formannin í Framsókn skal eitt samráðingartoymi við serfrøðingum í framtíðini samráðast við onnur lond um fiskirættindi og annað tilfeingi.</div><div><br></div><div>Poul Michelsen hevur boðað frá einum fyrispurningi til Kaj Leo Holm Johannesen, løgmann, um málið. Hann spyr um, spurnartekin kann setast við tær mannagongdir, ið vit higartil hava brúkt í samráðingum við onnur lond, og um løgmaður er sinnaður at lata eitt serstakt samráðingartoymi við breiðari og djúpari vitan standa á odda fyri samráðingunum.</div><div><br></div><div>Poul Michelsen sigur, at tað er ein spurningur, um tað er neyðugt at gera avtalur við onnur lond um okkara rættindi. </div><div><br></div><div>- Er tað ikki nógv tryggari, at vit sjálvi veiða tað tilfeingi, sum vit eiga, og høvdu framtíðar íløgur og úrtøkur ikki hvílt á einum nógv tryggari grundarlagi, spyr formaðurin í Framsókn.</div><div><br></div><div>Hann viðgongur, at vit helst noyðast at samráðast við onnur lond um summi av hesum rættindum, bæði fyri at vísa ein hóskandi altjóða atburð og tí, at tað í summum førum kann verða handilsliga skilagott. Men tá er tørvur á lærdum og royndum fólki.</div><div><br></div><div>Poul Michelsen heldur, at samráðingartoymið skal mannast við fólki, ið hevur førleika innan fiskifrøði, havrætt, viðkomandi løgfrøði og altjóða keypmansskap. </div><div><br></div><div>Endamálið er at fáa sum best burtur úr fyri Føroyar, sigur hann</div>
