- Tíðindi, mentan og ítróttur
Norwegian: Enn er einki avgjørt
<p>Norska lágprísfelagið Norrwegian vísir aftur, at felagið fer at gera tekniskar royndarflugvingar í Vágum í apríl.</p><p>Á Tórsportalinum verður Kitty May Ellefsen, nevndarforkvinna í Vága Floghavn, endurgivin fyri at siga, at Norwegian fer at royndarflúgva í næsta mánaði.<br><br>Kitty May Ellefsen sigur við kringvarp.fo, at enn er einki ítøkiligt um flúgvingina.</p><p>- Tað, sum eg havi sagt, er, at vit hava havt fund við Norwegian, sum heldur, at Føroyar eru áhugaverdar, sæð úr ein marknaðarligum sjónarhorni. Men felagið hevur gjørt greitt, at ongar royndarflúgvingar verða, fyrr enn dynamittið á flogvøllinum er ruddað burtur, og nýggju innflúgvingartólini eru sett upp. </p><p>Norwegian vísir aftur, at felagið hevur ætlanir um at flúgva millum Vágar og Keypmannahavn. </p><p>Kunningardeildin hjá norska flogfelagnum sigur í einum telduposti til kringvarp. fo seinnapartin, at í løtuni eru ongar ætlanir um at flúgva til Føroya. </p><p>Norska lágprísfelagið er anars eitt av fleiri flogfeløgum, sum hava víst áhuga at flúgva upp á Føroyar, nú flogbreytin í Vágum er longd. Á fundi við umboð fyri Vága Floghavn hava samráðingarfólkini hjá Norwegian sagt, at norska felagið hevur áhuga at flúgva millum Vágar og Keypmannahavn alt árið.</p>
