- Tíðindi, mentan og ítróttur
Arbeiðsgevarar: Úrvalsáseting tikin úr sáttmálum
<div>- Arbeiðsgevarar hava ikki rætt til at leggja seg út í, um starvsfólk eru limir ella ikki limir í einum fakfelag - sama hvat stendur í einum møguligum sáttmála á økinum.</div><div><br></div><div>Hetta staðfestir Føroya Arbeiðsgevarafelag, eftir at útvarpið hjá Kringvarpinum hevur greitt frá, at tað framvegis eru sáttmálar galdandi á føroyska arbeiðsmarknaðinum, sum mugu metast at vera úrvalsásetingar ella ekslusivitetsavtalur.</div><div><br></div><div>Um vikuskiftið greiddi útvarpið frá, at tveir sáttmálar framvegis eru galdandi, har tað er ásett, at bert limir í ávísum arbeiðarafeløgum kunnu taka ávíst arbeiði. Annar av hesum sáttmálum er frá 2007 - árið eftir, at Føroya Arbeiðsgevarafelag gjørdi limir sínum varugar við, at úrvalsásetingar ikki longur eru galdandi.</div><div><br></div><div>Í viðmerking sigur Føroya Arbeiðsgevarafelag, at evropeiski mannarættindasáttmálin er settur í gildi sum lóg í Føroyum, og tað ber ikki til í sáttmála at avtala seg burtur úr lógarásetingunum. At ein úrvalsáseting í einum sersáttmála av misgáum liggur eftir, broytir ikki hetta. </div><div><br></div><div>Rættarpraksis hjá Mannarættindadómstólinum staðfestir, at tað almenna hevur skyldu til at ansa eftir, at tað ikki finnast úrvalsásetingar á arbeiðsmarknaðinum.</div><div><br></div><div>Tá Danmark varð dømt fyri brot á hesar ásetingar, kom ein lóg, sum beinleiðis setti forboð móti ekslusivitetssáttmálum á arbeiðsmarknaðinum.</div><div><br></div><div>Ongin slík lóg um felagsfrælsi er galdandi í Føroyum. Ovasta løgfrøðin í Tinganesi mælti longu í áttatiárunum til at samtykkja eina lóg um felagsfrælsi, tí varð tað ikki gjørt, kundi tað vera brot á mannarættindasáttmálan. Eitt uppskot varð sett fram tá, men lógin varð ongantíð samtykt.</div><div><br></div>
