- Tíðindi, mentan og ítróttur
Longd flogbreyt bøtir ikki reglusemið
<div>Tað er als ikki vist, at reglusemið hjá Atlantsflogi batnar nakað sum helst, hóast flogvøllurin er longdur. Tí felagið hevur fingið fleiri nýggj krøv, sum gera, at fyrimunirnir við longda vøllinum kámast burtur.</div><div><br></div><div>Tað sigur Atlantsflog í ársfrágreiðingini, sum kom herfyri.</div><div><br></div><div>Atlantsflog skrivar, at longdi flogvøllurin átti at bøtt um atkomu og reglusemið á føroyarutuni, men tað er framvegis óvist, um væntaðu fyrimunirnir ikki verða tyntir út av nýggjum avmarkingum. </div><div><br></div><div>Sum dømi nevnir felagið nýggj krøv, sum verða sett um hægri innflúgvingarhædd hjá nýggja Airbus 319-flogfarinum. Tað, sum verður rópt "hægri operating minima." </div><div><br></div><div>Harafturat kemur nýggja turbulens-ávaringarskipanin, sum varð sett í verk í fjør, og sum Atlantsflog heldur stongir flogvøllin óneyðuga ofta, hóast líkindi eru at flúgva.</div><div><br></div><div><b>Kann ikki brúkast í mjørka</b></div><div><br></div><div>Og oman á alt hetta koma so avmarkingar í at brúka nýggju RNP AR-skipanina, sum felagið hevur keypt til nýggja Airbus-flogfarið. Hendan skipanin økir um møguleikarnar at seta seg og fara úr Vágum í ringum veðri. Skipanin verður brúkt nógva staðni kring heimin í økjum, har landslagið er ein avbjóðing. Royndirnar av skipanini hava verið góðar, tí hon hevur økt bæði um trygd og reglusemi, sigur Atlantsflog.</div><div><br></div><div>Men skipanin kann ikki brúkast til fulnar í mjørka - serliga ikki um summarið - tí tornið á flogvøllinum stendur ov tætt við flogbreytina.</div><div><br></div><div>Øll hesi viðurskiftini kunnu gera, at fyrimunirnir við nýggju flogbreytini ikki síggjast aftur fyri ymiskum avmarkingum, er niðurstøðan hjá Atlantsflogi í ársfrágreiðingini.</div><div><br></div><div><div>Kitty May Ellefsen, nevndarforkvinna í Vága Floghavn, sigur, at tornið verður flutt í sambandi við, at nýggj farstøð verður bygd. Tornið fer at standa longri burturi frá vøllinum. Nýggja farstøðin skal verða liðug í 2014.</div></div><div><br></div><div><br></div><div><br></div><div><br></div>
