- Tíðindi, mentan og ítróttur
MVG-uppskotið hjá samgonguni samtykt
<div>Fyritøkur sleppa at skylda fýra rokningar fyri meirvirðisgjald, áðrenn TAKS sleppur at strika skrásetingina hjá virkinum. </div><div><div><br></div><div>Hetta heldur minnilutin í Fíggjarnevndini, Javnaðarflokkurin og Tjóðveldi, vera í so lagaligt. Freistin gevur fyritøkum møguleika at upparbeiða eina stóra skuld til landskassan, áðrenn hamarin fellur. </div><div><br></div><div>Minnilutin heldur tó, at uppskotið hjá Jørgeni Niclasen er eitt stórt framstig samanborið við galdandi heimildir hjá TAKS. </div><div> </div><div>Sambært Fíggjarmálaráðnum kæra fyritøkur um, at tað loysir seg ikki hjá teimum at bjóða upp á arbeiði ella tænastur, tí tær eru uppi í móti fyritøkum, sum sleppa sær undan at gjalda meirvirðisgjaldið og tí kunnu geva lægri boð. </div><div> </div><div>Lógarbroytingin skal eisini forða fyri, at somu fólk ferð eftir ferð byrja virksemi uttan at avrokna meirvirðisgjald til landskassan. </div><div><br></div><div>Fíggjarmálaráðið vil eisini hava, at persónlig ábyrgd kann gerast galdandi ímóti leiðsluni í virkjum, sum halda fram ella byrjar rakstur, hóast skrásetingin er tikin aftur ella noktað. </div><div><br></div><div>Lógaruppskotið gevur eisini TAKS loyvi til at fara í skattskyldugu inntøkuna hjá fólki eftir MVG-eftirstøðunum.</div></div>
