- Tíðindi, mentan og ítróttur
Fíggjarnevndin hartar landsstýrið
<div>Landsstýrið eigur at taka árligu frágreiðingarnar hjá løgtingsgrannskoðarunum um landsroknskapin í álvara og gera okkurt við teir skeivleikar, sum løgtingsgrannskoðararnir gera vart við ár eftir ár. Tað sigur fíggjarnevndin hjá løgtinginum, sum hevur viðgjørt frágreiðingina fyri 2010. </div><div><div><br></div><div>Fíggjarnevndin heldur ikki, at landsstýrið tekur viðmerkingarnar hjá løgtingsgrannskoðarunum í nóg stórum álvara, tá tað so ofta kemur fyri, at løgtingsgrannskoðararnir ferð aftan á ferð vísa á somu skeivleikar, og tá løgtingsgrannskoðararnir enn tá verða noyddir at átala landsstýrið. </div><div> </div><div>Løgtingsgrannskoðararnir vísa millum annað á, at alt ov fáar rakstrarjáttanir hava upplýsingar um mál, avrik og úrslit. </div><div><br></div><div>Um mál og avriksstýring framhaldandi skulu vera amboð hjá almennu fíggjarstýringini, noyðist landsstýrið at krevja, at amboðið verður brúkt. </div><div><br></div><div>Fíggjarmálaráðið eigur annars eisini at kanna, um nóg nógv fæst burtur úr orkuni, sum verður brúkt um mál og avriksstýring, heldur fíggjarnevndin.</div></div>
