- Tíðindi, mentan og ítróttur
Greiðari skattareglur fyri føroyingar uttanlands
<p>Jørgen Niclasen, landsstýrismaður, hevur lagt uppskot fyri tingið, sum hevur til endamáls at gera skattareglurnar greiðari hjá føroyingum, ið arbeiða uttanlands.</p><div>Siðvenjan, sum hevur verið, at virðið av fríari ferð millum bústað í Føroyum og arbeiðsstað uttanlands, ikki skal skattast, verður nú lógarfest. </div><div><br></div><div>Samdøgursfrádrátturin verður tikin av, men samstundis verður serligi grein 25 b-frádrátturin hækkaður. Hetta verður galdandi fyri persónar, ið sigla og arbeiða á landi uttanlands. Undantiknir eru persónar, sum sigla við norðurlendskum fiskiskipum.</div><div><br></div><div><b>Hækkar upp í 150.000 kr.</b></div><div><br></div><div>Serligi grein 25 b frádrátturin, sum í løtuni er í mesta lagi 92.000 krónur, hækkar upp í 150.000 krónur í mesta lagi. Frádrátturin fer nú eisini at fevna um persónar, ið arbeiða á landi, men samstundis missa teir samdøgursfrádráttin. </div><div><br></div><div>Føroyingar, sum arbeiða í Noregi, gjalda til norsku Fólkatrygdina. Eftir galdandi skattareglum verður hetta gjaldið ikki roknað sum skattur, og avleiðingin er tí í summum førum dupultskattur. Nú verða reglurnar broyttar soleiðis, at norska Fólkatrygdin verður viðgjørd sum skattur.</div><div><br></div><div>Fíggjarmálaráðið sigur, at broytingarnar hava við sær, at onkrir borgarar fara at gjalda nakað meiri í skatti, meðan aðrir fara at gjalda minni. Men reglurnar verða greiðari hjá borgarunum, og umsitingin hjá TAKS verður lættari, sigur Fíggjarmálaráðið.</div><div><br></div><div><br></div>
