- Tíðindi, mentan og ítróttur
Fakfeløg vunnið kærumál um setanarskriv
<div>Føroya Arbeiðarafelag og Havnar Arbeiðsmannafelag hava vunnið kærumálið móti Faroe Pelagiv um setanarprógv hjá starvsfólki.</div><div><br></div><div>Feløgini kærdu fyri tveimum árum síðani Faroe Pelagic í Kollafirði til Vinnukærunevndina fyri ikki at halda sínar lógarásettu skyldur viðvíkjandi setanarprógvunum. </div><div><br></div><div>Feløgini hava nú fingið viðhald í ávíkavist 94 og 32 málum, har Faroe Pelagic ikki hevur givið starvsfólkunum setanarskriv sambært lógini. Feløgini fara nú viðari í Føroya Rætt við kravi um endurgjald.</div><div><br></div><div>Lógin gevur møguleika at fáa virkið dømt at gjalda endurgjald, tá arbeiðsfólk ikki hava fingið setanarskriv - endurgjaldið til hvørt arbeiðsfólk kann vera úr túsund krónum og upp í 20 vikulønir.</div><div><br></div>
